وقت اما يا مصر هتطلبي - بقلم عمرو حسن
كانت الحروف
براعم زهر
ع الشفايف
م الحماس
بايته في حلق القلب
منتظره الخروج
بس يا دوبك
حسيت بارتعاش
حسيت بخوف
فرت من عيني دمعة
ف الظلام
ولقتني بسأل اسألة
ملهاش حلول
حتى اجاباتها
باتت مُشكلة
مديت ايديا اطبطب
ف الظلام
او حتى ادوَر ع الايدين
ملقتش حد ياخد بايدي
غير خيال
َطَبَعُه القمر
وسط الليالي المُظِلمه
وصوت الشجر
بيناكف في الرياح
بحفيف خفيف
خوّفني فـ َضلمة ليالي مُظلمه
اه يا حبيبتي
لما بياخدني الجنان
والقاني برسم ملامحك ف السما
وانــُظـر لفوق
رغم الكوارث مُحزنَه
هوه انتي فعلا في الوجود ؟
ولاّ
ملامحي اتغيرت
صور باهته ومن غير إضاءة ومُعتمه
والقاني مجنونِك أنا
شايل ملامحك مُضيئة ومُبهرة
وقت اما امد ايديي
في الليالي المُظلمه
وملقاش ايديكي
غصب عني يملكني البُكا
عارف إني
مجنوِنك أنا
عارف إني
صاحب القضية واصلها
عارف اني
مولود عشانك
من غير تفاهم
او قواله
او حساب
عارف اني
جاي من بعيد
رغم الليالي مُحزنة
هل يا ترى
َقَدرِك أنا
ولا أنتي القدر
وقت أما
يا مصر هتطلبي
كتبها عمرو حسن
القاهرة في 18 /7/ 2010م